Nahimong trahedya ang outing sa mga managhigala dihang naaksidente ang usa kanila human ni-dive sa mabaw nga swimming pool sa pribadong resort sa Karnataka, India.
Sa maong panghitabo, matan-aw sa nag-viral nga video nga gipagawas sa mga awtoridad kalabot sa insidente sa resort.
Ang biktima kay giila nga si Nishant, 35-anyos nga maoy ni-dive sa hamabaw nga swimming pool.
Ang iyang mga kauban kay mibati og kakulba human wala mitumaw ang iyang ulo sa tubig.
Sa pipila ka mga gutlo, ang tibuok grupo naalarma, ug si Nishant, nga wala nay panimuot kay gibira dayon sa iyang mga kaubanan.
Matod pa nga bag-o lang sila nakahuman sa paniudto sa dihang nidesider si Nishant nga molangoy sa 4.5-foot-deep nga pool.
Base sa eksaminasyon sa mga doktor, si Nishant nakaangkon og samad sa spinal cord human naigo sa salog sa pool.
Nunot niini kay nakabsan na sa iyang kauban si Nishant.
Wala’y gipagawas nga opisyal nga pahayag ang resort ug pamilya ni Nishant kalabot sa trahedya.
