Nanawagan si Senate Majority Leader Francis Tolentino niadtong Sabado, Mayo 3 sa InfinitUs Marketing Solutions nga atubangon ang imbestigasyon sa Senado imbes nga magpagawas og mga pamahayag pinaagi sa ilang abogado.
Matod ni Tolentino nga aduna kini silay umaabot hearing sa Lunes, Mayo 5 og giawhang nii ang PR Firm nga muatubang og dili sige pakita sa media.
Atol sa pagdungog sa Senado, giangkon ni Tolentino nga ang InfinitUs kay mao ang public relations firm nga giingong gikontrata sa Chinese Embassy sa Manila aron mag-hire og mga “trolls” aron isulong ang pro-China narratives sa Pilipinas niadtong 2023.
Gibutyag pa ni Tolentino ang tseke gikan sa Bank of China Manila Branch pinetsahan og Septiyembre 2023 nga nagbayad og P930,000 ngadto sa InfinitUs alang sa giingong service agreement sa Chinese Embassy.
Ang mga dokumento gikan sa Securities and Exchange Commission nga nakuha sa komitiba sa Senado nagpakita usab nga duha ka Chinese national ang ginganlan isip mga incorporator sa InfinitUs Marketing Solutions.
Apan, sa usa ka pamahayag niadtong Biyernes, Mayo 2, ang InfinitUs mihimakak nga sila gikontrata sa Chinese Embassy sa Manila, apan niangkon nga nakadawat sila og bayad gikan kanila.
