-- ADVERTISEMENT --
Magsugod na ang Department of Agriculture (DA) sa pagpamaligya og bugas sa tag P20 matag kilo sa National Capital Region human sa eleksyon o sa Mayo 13.
Sumala pa sa Department of Agriculture, Assistant Secretary Genevieve Guevarra, ang P20 Rice Project nagatarget nga makabenepisyo ang halos 400,000 ka pamilya sa NCR.
Sa Mayo 13, unang ibaligya ang bugas nga tag P20 matag kilo sa Quezon City, ingon man sa mga siyudad sa Pasay, Mandaluyong, Las Piñas, Caloocan, ug Navotas ubos sa Kadiwa program sa DA.
Dugang pa niana, tumong usab sa DA nga makigtambayayong sa ubang retailers aron mapalapad pa ang sakup sa programa.(Bombo Irene Ardiente)
