CEBU CITY- Nag-deploy sa 1,500 ka mga police personnel ang Cebu City Police Office (CCPO) para sa nahabiling semana sa kampanya ug sa umaabot adlaw piniliay sa Mayo 12, 2025.
Kini ang gipamahayag sa CCPO diin sugod karong adlawa Martes, Mayo 6 ang deploy sa mga sakop niini og mulanat hangtod sa liwas sa election day sa dihang ipadeklarar na ang mga mananaog.
Nakafocus ang ilang deployment karong semanahuna sa pagbantay sa distribution sa election paraphernalia ug sa Automated Counting Machines (ACMs).
Lain priority niini ang mga polling centers ingon man ang mga anti-criminality operations.
Gani dugang pa sa CCPO nga walay pormal nga prolamasyon sa dakbayan nga ipaubos kini og heigtened alert apan naka-andam ra gihapon sila sa bisag unsang matang sa election-related activities.
Pasalig niini sa publiko nga 100% nga naka-andam ang kapulisan sa dakbayan kabahoin sa security deployment niini.
Gani sayo rong semanahuna kay mipasalig sab ang Cebu Police Provincial Office (CPPO) sa pag-deploy sa 2,900 ka mga pulis tibuok lalawigan para gihapon sa nagsingabot nga adlawng piniliay.
