Giatake sa mga wala pa mailhing mga armadong lalaki ang usa ka construction site sa Albat area sa Noshki district sa Balochistan, Pakistan, niadtong Domingo ug gidagit ang upat ka mga trabahante, nga pulos mga Punjabi, nga nagtrabaho sa Noshki-Kharan road project.
Matud sa mga otoridad nga usa ka pribadong kompanya ang naasoy nga construction ug nagtukod og kampo sa dapit sa Albat ug sa dihang miabot ang mga grupo sa mga armadong lalaki ug mipauwan og bala sa mga makinarya sa konstruksyon.
Gi-hostage ang upat ka mga trabahante nga gitionan sa armas ug nakuha nga wala naglisod.
Sa pag-abot sa mga otoridad kay gikordon dayon ang lugar ug naglunsad og search operation aron mabawi ang mga gikidnap nga mga trabahante.
Kasamtangan padayon gihapon ang pagsubay sa mga otoridad aron sa pagtumbok sa mga suspek apan sulod sa 48 ka oras ang milabay wala gihapoy timailhan o nasubay ang kapulisan.
