Nisaad si Bill Gates, niadtong Huwebes nga mohatag siya og $200 bilyon pinaagi sa iyahang charitable foundation sa tuig 2045.
Ang 69-anyos nga bilyonaryo nga co-founder sa Microsoft miingon nga iyahang gipaspasan ang iyang mga plano nga
i-divest ang halos tanan niyang bahandi ug isira ang foundation sa Disyembre 31, 2045, mga tuig nga mas sayo kaysa sa giplano kaniadto.
Si Gates miingon nga siya nagtuo nga ang salapi makatabang sa pagkab-ot sa pipila sa iyang mga tumong, sama sa pagwagtang sa mga sakit sama sa polio ug malaria, pagtapos sa mapugngan nga kamatayon sa mga kababay-an ug mga bata, ug pagpakunhod sa global nga kakabos.
Ang iyang pag-anunsyo nagsunod sa mga lakang sa mga gobyerno, lakip ang administrasyon ni Trump, aron maputol ang mga badyet sa tabang sa internasyonal nga gigamit aron mapugngan ang makamatay nga sakit ug kagutom.
Ang tinuig nga badyet sa Gates Foundation moabot sa $9 bilyon sa 2026 ug hapit $10 bilyon matag tuig pagkahuman tungod sa gipadali nga paggasto.
Gipasidan-an ni Gates ang White House nga ang iyang foundation ug uban pang mga philantrophies dili makapuno sa mga kal-ang nga nahabilin sa mga gobyerno.(Bombo Irene Ardiente)
