Nakahatag og garbo sa pamilya, sa tunghaan, ug sa Sugbo si Engr. Omar Gotladera Lusares, taga Brgy. Apas Cebu City, human siya naka angkon sa rank-4 sa bag-o lang nga Electrical Engineers Licensure Examination sa Abril 2025.
Sa gipa-ambit niini sa Bombo Cebu Newsteam, iyahang nasaysay ang pipila sa iyahang mga kaagi sa mga panahon nga nangandam pa lamang siya alang sa examination, ug sa higayon nga atol na gayud sa examination, ug usab gi unsa niya pagdala ang mga sitwasyon kung ugaling makasugat siya og pipila ka mga kalisud.
Subay niana, naasoy ni Engr. Omar nga atol sa matag sesyon sa iyahang review, ang iyahang estratehiya mao ang pagsulbad sa mga “given problems” sa makadaghan nga higayon. Dugang pa niya, sa higayon nga magkalisuray siya sa problema, ug kinahanglan nga mo gamit siya og mga online sources, iyaha kining susihon pag-usab aron masuta niya og makahimo ba siya sa iyahang kaugalingon nalang.
“Whenever I struggled with a problem and need to use online resources or references, I made sure to revisit and solve it again later to check if I can do it more easily on my own.”
Dugang niana, nasubay usab niya nga sa aktuwal na sa examination, iyahang laktawan ang mga pangutana nga dili sayon sulbaron, ug mopadayon sa mas sayon. Busa niana, gisiguro usab niya mga susihon sa makadaghan nga higayon sa dili pa niya shade-dan ang iyahang “final answer.”
“I made sure to recheck them multipletimes, before shading my final choice on the answer sheet.” Omar, on his actual examination
Sa pikas bahin, gahatag usab siya og “tip” og kung unsaon pagdala sa matag higayon nga makasugat ang si bisan kinsa og mga problema.
Sumala niya, ang mga “challenging problems” kasagaran magkinahanglan ug daghan nga “formula” aron masulbad, busa, tataw niya, ilista ang tanan ug sutaon og kung unsa ang ” formula” nga angayan gamiton. Diha, mas dali nga makita og unsa ang kuwang, ug unsa ang angay ipuno.
“Listing down the given and identifying what is asked to determine the formula to be used. With that, you can identify what was still missing and what additional formula can be used. After that, you can now solve one part at a time while constantly checking if it makes sense.“
Sa katapusan, si Engr. Omar, gahatag og mga pipila ka mga tip sa mga indibidwal nga gusto usab makab-ot ang ilahang mga pangandoy. Sumala niya, importante ang paggahin og panahon ug paningkamot sa pagtuon sa mga materyales sa pagreparar alang sa review. Sunod niana, pagsulbad sa mga “practice problems” sa makadaghang higayon.
Dugang pa niya, hawod ka sa usa ka butang kung mahimo nimo kining usbon sa susama nga proseso, ug salig sa imohang kaugalingon.
“You can only say that you mastered a subject if you are able to replicate the process.”
‘Believe in yourself! Confidence comes naturally after following these steps. You cannot be confident if you are not prepared. So, learn to solve! Get prepared! Be Confident!” (Bombo Irene Ardiente)
