Gihinumdoman ni Asia’s Nightingale Lani Misalucha ang iyang pakigbugno sa bacterial meningitis niadtong 2020, nga nakaapekto sa iyang pandungog ug tingog.
Apan, bisan pa niini gipaambit ni Lani nga nagpabilin ang kalidad sa iyang tingog nga wala mausab bisan pa sa duha ka dekada na ang milbay.
Nigawas ang pamahayag human sa usa ka media conference sa iyang gikatakda nga major concert nga giulohan og “Still Lani”, nga ipahigayon sa The Theater sa Solaire, Parañaque City karong Agosto 21, 2025.
Kabahin usab kini sa iyang ika-40 ka tuig nga selebrasyon sa industriya diin gihinumdoman ni Lani ang mahinungdanong mga higayon uban sa daghang mga international music icons sama nila ni Celine Dion, Gladys Knight, ug Josh Groban, ug mga fans sama ni Joseph Jackson, amahan ni Michael Jackson.
Gipaambit usab niya ang iyang damgo nga makauban sila Celine Dion ug Barbra Streisand.
Samtang, nagbasi na karon sa U.S. si Lani uban sa iyang bana nga si Noli ug sa ilang duha ka mga anak, apan nagpadayon siya sa pagpauli sa Pilipinas alang sa mga pagpasundayag ug pagpakita sa TV.
