Kandidato sa pagka mayor sa Mexico, gipusil-patay

Patay ang usa ka kandidato pagka mayor sa Mexico human kini gipusil.

Giila ang biktima nga si Yesenia Lara Gutiérrez, kinsang midagan pagka-mayor sa Veracruz state.

Nasayran nga gipusil kini atol sa iyang pagpahigayon og campaign rally.

Samtang nagkapuliki siya sa pakiglamano sa iyang mga supporter, kalit lang milanog ang buto sa armas.

Gikondenar sa Presidente sa Mexico nga si Claudia Sheinbaum ang insidente ug nimando dayon og bug-os nga imbestigasyon.