Gikumpirmar ni Ivan Marino, ang Bombo International News Correspondent sa Mexico, nga aduna gayu’y nakalas nga 4 ka kinabuhi atol sa pagselebrar sa mga fans sa Angel of Independence monument sa downtown Mexico.
Kini human sa nakab-ot nga kadaugan sa kuponan sa Mexico sa FIFA World Cup 2026 diin gipildi niini ang Ecuador sa final score nga 2-0 ug mao usab ang labing una nga World Cup knockout win sukad pa niadtong 1986.
Sigon ni Marino, Bisan paman nga naglipay ang katawhan sa nakab-ot sa kuponan sa Mexico, apan gikaguol niini ang nahitabo sa 4 ka indibidwal nga nakalas gumikan sa suffocation tungod kay miabut sa Milyon ang nakiselebrar sa kadaugan.
Dugang niini bisan paman sa iyang kasinatian isip Medical Doctor, iyang gihulagway nga dili common ang maong panghitabo gumikan kay sukad-sukad wala pani mahitabo sa Mexico City nga adunay nakalas sa mismong selebrasyon.
Gihimug-atan usab ni Ivan Marino, nga taliwala sa maulanon nga panahon atoll sa paglipay sa mga fans sa World Cup, kinahanglan gihapon kining ikontrolar ang crowd aron paglikay sa susamang mga panghitabo nga mikalas sa pipila ka kinabuhi.
Matud niini nga mahinungdanon ang papel sa mga awturidad sa pagkontrolar sa crowd sa panahon kung adunay susamang panghitabo, pag-desigante og limitation areas ug labaw sa tanan ang pagpakabana sa publiko sa Mexico maoy labing importante aron malikayan ang susamang panghitabo.
