Padayun gihapon ang pagpasaka og kaso sa mga kandidato nga nalambigit sa vote buying ug vote selling sa panahon sa piniliay.
Matud ni Commission on Elections Regional Director Atty. Francisco Pobe, nga angayan lang nga gukdon kini nga mga indibidwal kay nakalapas kini sa kasong kriminal nga gilagda sa Comelec ug gikinahanglan nga og nasumiter na ang gipasakang kaso sa piskal angayan lang nga depensahan nila ang mga pasangil.
Gihimug-atan usab ni Pobe, nga ang mga kandidato o indibidwal nga nalambigit sa pagpakatap og black propaganda, hilabi na usab sa pagpakatap og dili tinoud nga mga impormasyon nga maylabut sa eleksiyon ug nakamugna og kagubot, aduna gayu’y atubangon nga kaso batok niini.
Sa pikas bahin, gibutyag usab ni Atty. Francisco Pobe, nga ang tanan nga mga kandidato nakadaog man o napildi, gikinahanglan nga mo sumiter sa ilang Statement of Contributions and Expenses kon SOCE sa mga nagkada-iyang Comelec Offices, dugang niini nga kung ugaling mapakyas sa pagsumiter pasakaan usab og kasong maylabut sa election offense.
Samtang, magpahigayun usab og Exit Command Conferrece ang Comelec aron sa pagsusi sa kung unsay dapat ug dili dapat buhaton sa sa sunod nga eleksiyon, ug aron usab mapati ang panglantaw sa mga nagkadaiyang ahensiya atol sa nahitabong National and local elections. | Bombo Nathaniel Sandoval
