Andam na ang Department of Migrant Workers (DMW) nga mopasaka og kaso batok kang kanhi Overseas Workers Welfare Administration (OWWA) Administrator Arnell Ignacio human madiskubrehan ang dili awtorisado nga P1.4 bilyones nga land acquisition deal.
Matod ni DMW Secretary Hans Leo Cacdac, giandam na sa ilang legal team ang mga katugbang nga kaso nga atubangon ni Ignacio ug ubang personalidad nga nalambigit sa maong kasabutan.
Dugang sa kalihim, daw gamiton ni Ignacio ang maong yuta sa pagtukod og ‘half-way house’ nga gituyo nga maka-accommodate og mas daghang overseas Filipino workers (OFWs).
Gibutyag usab ni Cacdac nga unom ka critical counts ang isyu sa proposal ni Ignacio hinungdan nga wala kini makapasar sa OWWA Board of Trustees, apan bisan pa niini, nagpadayon gihapon ang deed of sale.
Hinungdan nga andam mopasaka og imbestigasyon ang bag-ong gitudlo nga OWWA Chief Administrator Patricia Yvonne Caunan labot niini, diin ipaubos sa makuting auditing ang proyekto.
Sa pagkakaron, wala pa mohatag og komento si Ignacio kalabot sa maong mga pasangil.
Ug gitaktak na kini sa pwesto gumikan sa “loss of trust and confidence” sa ahensya human ipadayon ang mga dili otorisado ng mga proyekto.
