Nakabsan sa kinabuhi ang usa ka drayber sa van human nagbangga ang usa ka van ug usa ka ceres bus sa Barangay Fragante, Pandan, Antique kaganinang buntag, Mayo 19, 2025.
Matod ni Police Staff Sergeant Arnel De Los Santos, imbestigador sa Pandan, Antique Municipal Police Station, nga ang Ceres bus padulong sa Kalibo, Aklan gikan sa terminal sa Pandan, Antique, dihang kalit kining nadasmagan sa usa ka van nga milabang sa linya, padulong sa Pandan, Antique.
Tungod sa impact, dead on the spot ang drayber sa van samtang naangol ang 10 ka mga pasahero sa Ceres bus lakip na ang drayber nga daling gidala sa duol nga tambalanan.
Matod ni De Los Santos, base sa CCTV footage, kusog ang dagan sa drayber sa van ug dangog ang dalan kay bag-o lang niundang ang ulan.
Giila na ang identity sa mga pasahero ug driver apan padayon pa nga giimbestigahan sa kapulisan ang maong aksidente.(Bombo Irene Ardiente)
