Giklaro sa Department of Education-7 ang report nga gikan sa Philippine Statistics Authority maylabut na sa 5.58 Million nga mga Highschool graduates nga adunay pagkuwang sa pagsabut o reading comprehension.
Gipasabut ni DepEd-7 Regional Director Dr. Salustiano Jimenez, nga dili gayud tanan dili kasabut sa gibasa, apan gi base ang maong datos sa tukma ug abilidad sa mga bata base sa ilahang grade level.
Gibutyag ni Jimenez nga pipila sa mga hinungdanan sa nagkataas nga kaso bahin niini, mao ang kakuwang sa pokus; walay igong disiplina; ug sa kakuwang sa pagtagad sa komunidad.
Dugang usab niini, nga gipaningkamotan sa buhatan sa DepEd nga-e apply ang teknolohiya sa pagpasabut ug pagtudlo sa mga bata,sanglit moderno na ang panahon ug nakapokus na usab ang mga istudyante sa teknolohiya.
Apan gihimu-atan ni Regional Director Salustiano Jimenez, nga mahinungdanon usab ang pagpatuman sa Blended Learning ug Modules sanglit adunay mga panahon nga makabalda sa klase sama sa; kalamidad, ug nagkalain-laing matang sa higayun nga wala sa tunghaan ang mga istudyante. | Bombo Nathaniel Sandoval
