PROVINCE OF CEBU- Gikutlo sa usa-ka 22-anyos nga SK Chairman, ang iyahang kinabuhi human kini giingong miinom og “toilet bowl cleaner” sa Brgy. Sacsac, Pinamungajan, Cebu, kagahapon sa buntag, Mayo 22, 2025.
Nailhan ang biktima nga si Mercelanio Banquiran, 22-anyos ug lumulupyo ra usab sa maong dapit ug kasamtangang SK Chairman sa nahisgutang barangay.
Sigon sa kapulisan sa Pinamungahan Municipal Police Station, nga base usab sa pamahayag sa ig-agaw nga si Maurice Banquiran nga ilang nakit-an si Mercelanio nga naglisud ug ginhawa hinungdan nangayog sila og pakitabang.
Daling gidala sa Pinamungahan District Hospital si Mercelanio apan gideklarar na kini nga Dead on Arrival.
Gituhoan nga miinom ang biktima ug “toilet bowl cleaner” human nga nadiskobrehan ang usa ka baso nga adunay sulod nga toilet bowl cleaner sa gawas sa ilang panimalay.
Sa pikas bahin,susihon usab sa kapolisan ang hinungdan ug giingong nagpost kini sa social media account niini nga adunay mensahe nga dili maayo sa wala pa kini nagpakamatay.
Plano nga Ipa-autopsy sa kabanay ang patay’ng lawas sa biktima aron masuta ang hinungdan sa kamatayon niini. | Bombo Nathaniel Sandoval
