Nanghawd sa March 2025 Licensure Examination for Teachers (LET) Secondary Level ang usa ka gradwado gikan sa Dakbayan sa Sugbo.
Si Jeanlyn Guinita Colipano gikan sa Cebu Technological University-Danao maoy nakakuha sa top spot human nakakuha kini og rating nga 93.80% sa March 2025 LET Secondary Level, sumala sa resulta nga gipagawas sa Professional Regulation Commission (PRC) gahapon, Biyernes, Mayo 23, 2025.
Ang kalamposan ni Colipano nagpasiugda sa kalig-on sa edukasyon sa magtutudlo sa Sugbo, tungod kay laing pito ka mga gradwado usab gikan sa Cebu-based colleges ug unibersidad ang nakasulod usab sa Top 10.
Samtang, pipila ka mga gradwado gikan sa Dakbayan sa Sugbo ang nag-una usab sa March 2025 Licensure Examination for Professional Teachers Elementary level.
Diin si Bea Geraldine Ylaya Larobis, sa Cebu Normal University ug si Juliana Mae Berame Magtagad sa Cebu Technological University, nga naka-angkon og 93.20 ug anaa sa Top 7.
Samtang si Recamae Bentoy Delos Reyes ug Jean Rose Mamac Lamela nga susamang gikan sa Cebu Technology University, diin naka-angkon sa rank 8, nga nakakuha og 93.0%.
Ingon man sila si Louiss Arc Tura Degamo, sa Cebu Technological University nga nakakuha og 92.80, ug nahimutang sa top 9.
Ug sa top 10, anaa si Mary Angeli Imperial Del Mar, gikan sa Cebu Technological University, nga naka-angkon og 92.60%.
