Naglunsad dayon ang Philippine Red Cross (PRC) og emergency fund campaign aron suportahan ang mga operasyon sa pagtubag human sa Magnitude 7.8 nga linog nga miigo sa kasadpang bahin sa General Santos City.
Diin ang kusog nga pagtay-og nagpahinabo og mga pasidaan sa tsunami, kaylap nga pagbakwit, ug grabe nga mga pagkabalda sa lainlaing mga bahin sa Mindanao.
Uban sa direktiba ni PRC Chairman ug CEO Richard J. Gordon, ang mga PRC Chapters nagpadala dayon og mga personahe aron magpahigayon og paspas nga mga pagtimbang-timbang ug paghatag og tabang sa mga apektadong komunidad.
Gi-mobilize usab ang mga boluntaryo sa RC143 samtang ang mga ambulansya gipadala sa North Cotabato, South Cotabato, ug Gingoog City aron sa pagtubag sa mga panginahanglanon sa medikal ug pagmonitor sa sitwasyon. Ingon man, ang mga responder sa PRC naghatag usab og medikal nga tabang sa daghang mga estudyante nga nakasinati og hyperventilation human sa kusog nga mga pagtay-og.
Sumala ni PRC Secretary General Dr. Gwendolyn Pang, ang ilang mga team anaa na sa ground, nagpahigayon og mga assessment, naghatag og emergency medical assistance, ug nakig-coordinate sa mga lokal nga awtoridad.
Gipasiugda ni Gordon ang kamahinungdanon sa paspas nga pagtubag: “Kapag tumama ang sakuna, ang bilis ng humanitarian response ay maaaring magdala ng malaking kaibahan para sa mga pamilyang apektado. Ang Philippine Red Cross ay nagmo-mobilize ng volunteers, ambulansya, food trucks, at emergency assets upang matiyak na makarating agad ang tulong sa mga komunidad. Nanawagan kami sa publiko, donors, at partners na tulungan kaming mapanatili ang mga pagsisikap na ito at maghanda para sa mga pangangailangan sa mga darating na araw.”
Samtang nagpadayon ang pagtimbang-timbang, ang PRC nangandam sa pagpalapad sa mga operasyon niini ngadto sa mga serbisyong medikal sa emerhensya, pag-apod-apod sa hinabang, luwas nga tubig, psychosocial support, tabang sa puy-anan, ug mga interbensyon sa pagkaayo.
Ang mga donasyon sa PRC Emergency Appeal makatabang sa pagsiguro nga ang mga mahuyang nga pamilya makadawat og tukma sa panahon ug makaluwas sa kinabuhi nga tabang.
Ang Philippine Red Cross nagpabilin nga alerto ug andam sa pagpalapad sa tubag niini sa koordinasyon sa mga lokal nga gobyerno, mga ahensya sa nasud, ug mga kauban sa humanitarian.
Para sa mga gusto modonar sa Emergency Fund Campaign:
Metrobank
Peso Account No.: 151-3-04163122-8
Dollar Account No.: 151-2-15100218-2
Philippine National Bank (PNB)
Peso Account No.: 1607-1020-0331
Dollar Account No.: 1607-6020-0347
Banco de Oro (BDO)
Peso Account No.: 0045-3019-0938
Dollar Account No.: 1045-3003-9482
