Gidoble sa Estados Unidos (US) ang ilang tabang pinansyal alang sa Venezuela human sa duha ka sunod-sunod nga linog nga miigo sa nasud.
Sumala sa US State Department, naggahin ang US og $300 milyon alang sa humanitarian assistance.
Kung diin, ang maong kantidad doble sa una nilang saad nga $150 milyon.
Ang pondo gamiton alang sa medikal nga pag-atiman, tabang sa pagkaon, tubig, sanitasyon, puy-anan, proteksyon, ug mga operasyon sa logistik.
Direktang ihatag ang pondo ngadto sa mga kaubang organisasyon sama sa Samaritan’s Purse, Catholic Relief Services, World Food Programme, ug Red Cross aron mapadali ang paghatag og ayuda sa mga naapektuhan.
Giablihan usab sa US ang Simón Bolívar International Airport sa Caracas aron mapadali ang pag-abot ug pag-apod-apod sa humanitarian assistance.
Matud pa sa mga otoridad, kapin sa 1,000 ka tawo ang namatay human sa duha ka sunod-sunod nga linog nga miigo sa Venezuela niadtong miaging Domingo.
