Nisaka na sa 61 ang ihap sa mga namatay sa magnitude 7.8 nga linog sa Mindanao, sumala sa Office of Civil Defense (OCD).
Sa pagkakaron, gisusi pa ang pagkatawo sa pipila ka mga biktima.
Base sa labing bag-ong report, 33 ka tawo pa ang nawala samtang 1,221 ang nasamdan, lakip ang daghang mga estudyante nga nakaagom og trauma.
Kadaghanan sa mga namatay biktima sa mga landslide ug nangatumpag nga mga building ug debris sa General Santos City, Jose Abad Santos sa Davao Occidental, ug Sarangani Island.
Nagpadayon ang search and rescue operations sa mga hilit nga dapit nga lisod maabot tungod sa mga landslide.
Paspas usab ang paghatod og pagkaon, limpyo nga tubig, ug mga tolda gamit ang mga eroplano ug helicopter sa gobyerno.
Samtang, nagpabilin nga sirado sa mga komersyal nga flight ang General Santos International Airport, apan bukas kini alang sa mga humanitarian missions.
Sukad niadtong Hunyo 8, nakatala na ang PHIVOLCS og hapit 4,000 ka mga matang sa aftershocks.
