Gitubag ni Gobernador Pam Baricuatro sa Cebu ang mga kritisismo human sa pagtugot sa pagpagawas sa P10 milyon nga tabang pinansyal para sa General Santos City, nga usa sa mga lugar nga grabeng naapektuhan sa magnitude 7.8 nga linog nga miigo sa baybayon sa Sarangani niadtong Hunyo 8, nga miresulta sa kaylap nga kadaot ug mga panginahanglanon sa katawhan.
Usa ka netizen ang nagpahayag sa iyang kabalaka bahin sa pag-apod-apod sa tabang, nga nangutana kung nganong gipaabot ang tabang sa Gensan samtang ang mga lugar nga naapektuhan sa Amihanang Sugbo, giingon nga nakadawat og gamay o walay tabang pinansyal para sa mga balay nga partially damaged, nga nagpahayag sa iyang kasagmuyo tungod sa gituohang dili patas nga suporta ug limitado nga access sa mga channel sa tabang.
Apan tubag sa Gobernadora, gikuha nila ang lista sa LGU tungod mao kini ang anaa sa dapit, ug giklaro nga sa probinsya, ang gi-augment nila mao ang LGU.
Gidugang pa niya nga, dil sila ang matawag nga “bida,” tungod kay anaa lang ang Kagamhanan sa Probinysa sa Sugbo aron moluwat og suporta sa LGU.
Samtang sa dihang gipangutana kung kanus-a ug giunsa sa probinsya ang pagdesisyon sa paghatag og tabang sa kalamidad, gipasiugda ni Baricuatro nga ang probinsya nagsilbi nga sistema sa suporta sa mga LGU ug responsable sa pagtabang sa 44 ka munisipyo ug unom ka component cities sa tibuok Cebu.
Busa, namalihug si Baricuatro nga dili lang unta sila basolon kay gibuhat ra nila kung unsa ang maayo, ilaba na ang proseso sa pagsiguro nga ang tabang makaabot sa mga nanginahanglan parehong challenging ug time-consuming.
Human niini, giawhag sa Gobernador ang mga apektadong indibidwal nga nangayo og tabang nga makig-alayon sa ilang tagsa-tagsa ka LGU o direktang moduol sa Kapitolyo kung sila adunay mga kabalaka, ug midugang nga ang gobyerno sa probinsya nagpabilin nga transparent sa mga operasyon ug mga paningkamot sa pag-apod-apod sa tabang.
