Giila ni Cebu Governor Pamela Baricuatro ang pagbarog ni Presidente Ferdinand “Bongbong” Marcos Jr. sa Sugbo panahon sa kalisod nga miigo sa Probinsya atol sa nag-unang programa nga “Handog ng Pangulo: Serbisyong Sapat Para sa Lahat” sa Capitol Social Hall, Setyembre 14.
Bisan paman nga wala ang presenya sa Presidente, mipaabot gihapon kini sa iyang pagkalambigit sa kalihokan pinaagi sa video conference.
Busa, nipadayag si Baricuatro sa iyang pasalamat kang Marcos sa pag-uban niini sa Cebu atol sa pipila sa labing lisod nga mga panahon sa probinsya, ilabi na human sa bagyo ug linog.
Giorganisar sa Opisina sa Presidente agi’g pagsaulog sa ika-69 nga adlawng natawhan ni Presidente Marcos Jr., diin kini nga inisyatibo nagdala sa mga mahinungdanong programa ug serbisyo sa gobyerno direkta ngadto sa mga konstituwente.
Lakip sa mga ahensya nga naghatag og service caravan mao ang Department of Social Welfare and Development (DSWD), Department of Labor and Employment (DOLE), Department of Health (DOH), Department of Agriculture (DA), National Irrigation Administration (NIA), Technical Education and Skills Development Authority (TESDA), Department of Trade and Industry (DTI), PhilHealth, Philippine Statistics Authority (PSA), Department of Migrant Workers (DMW), PhilPost, Department of Education (DepEd), Commission on Higher Education (CHED), Department of Agrarian Reform (DAR), Department of the Interior and Local Government (DILG), Department of Justice (DOJ), Bureau of Fire Protection (BFP), National Housing Authority, ug uban pa.
