Gihulga sa Presidente sa US nga si Donald Trump, nga ilunsad ang 25% nga mga taripa sa katapusan sa sunod nga bulan sa mga smartphone nga gihimo sa Apple, Samsung Electronics Co. ug uban pang mga kompanya kung wala kini gihimo sa Estados Unidos.
Namulong pagkahuman sa pagpirma sa mga mando sa ehekutibo sa White House, giingon ni Trump nga ang bag-ong mga buhis mahimong epektibo sa katapusan sa Hunyo.
Gidepensahan usab ni Trump ang lakang sa dihang gipangutana kung ngano nga target niya ang Apple, usa ka kompanya sa Amerika.
Sumala niya, mamahimo lang nga walay taripa kung anaa sila magmani-obra sa US.
Ang hulga ni Trump sa bag-ong mga buhis sa mga imported nga smartphones nakadugang sa mga kabalaka sa South Korea sa serye sa iyang administrasyon sa mga bag-ong import nga buhis, nga mahimong makaapekto sa bilateral nga relasyon sa ekonomiya ug pamatigayon
Subay niana, ang South Korea ug US nakig-estorya bahin sa mga taripa ug uban pang mga isyu sa pamatigayon samtang ang Seoul naningkamot nga mamenosan ang epekto sa sukdanan sa administrasyon ni Trump ug uban pang sektoral nga taripa sa ika-upat nga kinadak-ang ekonomiya sa Asia.
Gipunting usab ni Trump ang European Union, nga nagpahayag sa kahigawad sa nahunong nga mga pakigpulong sa pamatigayon ug nagsugyot sa usa ka patag nga 50 porsyento nga taripa sa mga produkto sa EU sugod sa Hunyo 1.
Gisubli niya ang iyang dugay nang pag-angkon nga ang EU “naporma aron mapahimuslan ang US.(Bombo Irene Ardiente)
