Kanunay magsul-ob og wedding gown si Tess Tregellas kon moapil sa mga marathon tungod kay matud niya nga basig pag-abot niya sa finish line, anaa didto si ‘The One’ nga mahimong iyang umaabot nga bana.
Si Tess Tregellas taga Brooklyn, New York City, usa sa mga partisipante sa Brooklyn Half Marathon nga gipahigayon niadtong Mayo 17.
Kon itandi sa ubang marathon runners nga kompleto sa gamit sa running gears, si Tess nagsul-ob og wedding gown.
Sa usa ka video nga iyang gi-post niadtong Mayo 19, sa wala pa magsugod ang marathon, ang 28-anyos nga babaye nikomedya pa nga mahimo na niyang mahimamat ang lalaki nga iyang hatagan sa matam-is nga “I do”.
Apan, human sa marathon, daw dili pa right marathon ang iyang nadaganan gumikan wala man niya nahihimamat ang iyang possible nga mabana.
Gani, pagtuo niini nga daw nahadlok ang mga lalaki sa iyang trip.
Dili kini ang unang higayon nga niapil si Tess sa Brooklyn Half Marathon nga nagsul-ob og wedding gown.
Sa miaging tuig, niapil usab siya ug nag-post og mga litrato sa social media.
