Pormal nga nanumpa si PGen. Nicolas Torre III, isip bag-ong hepe sa Philippine National Police (PNP) ubos sa pamunoan ni Presidente Ferdinand Marcos Jr. nga maoy nangulo usab sa outgoing ceremony ni kanhi PNP Chief PGen Rommel Francisco Marbil.
Sa nangaging mga pamahayag, ang bag-ong hepe nagpasalamat sa Presidente Marcos Jr. sa pagsalig nga iyang gihatag kaniya nga mahimong lider sa National Police.
Matod niya, dili niya usikan ang pagsalig sa Presidente sa ubos sa iyang pamunoan, ug seguroon niini nga dili na kinahanglan ang endorsements ug ang tanang appointment i-base lang sa mga nahimo sa mga polis ug kadto lamang mga takos ang mahatagan og kahigayonan sa pag-promote, diin gipasabot nga dili igo ang “pogi points” aron makadawat og appointment ubos sa iyang pamunoan.
Dugang niana, iya usab nga gihagit ang iyang mga gilangkoban nga mahimong mas vocal kaniya, dili lang sa pulong kon dili sa ilang mga aksyon usab, ug siya miingon nga ang publiko kinahanglan nga makakita sa ilang trabaho ug pagsunod sa ilang gipanumpaan nga mandato siguradong mailhan ang ilang panaghiusa.
Samtang, malipayong gitugyan ni kanhi PNP Chief PGen Rommel Francisco Marbil ang iyang liderato ngadto kang Torre isip bag-ong hepe sa organisasyon, diin masaligon kini nga moserbisyo siya og maayo ug padayong ipaila ang iyang ghilangkoban ubos sa iyang pamunoan.
Gitataw usab ni Marbil nga mapasigarbuhon siya sa iyang maayong pagbati nga iyang biyaan ang PNP sa maayong kahimtang ug uban sa publiko nga adunay respeto ug pagsalig sa integridad sa ilang han-ay.
Subay niana, si Presidente Marcos nihatag og laing hagit sa bag-ong hepe nga magpabiling limpyo ug dungganon ang gilangkoban sa PNP ubos sa iyang pamunoan.
Gusto usab sa Presidente nga mas paspas ang aksyon ug pagresolba sa mga kaso, para sa paspas nga imbestigasyon sa mga kaso ug mahatagan ug hustisya ang publiko.
Maisogon kining gidawat ni Torre ug nipasalig nga limpyo ug dunay integridad ang Pambansang Pulisya.
Sa pikas bahin, masaligon si Pres. Ferdinand Marcos Jr. sa pamunoan sa bag-ong nabutang nga PNP Chief nga si PGen. Nicolas Torre III nga iyang pauswagon pa ang mga sistema sa organisasyon aron mapalambo pa ang paghatud sa serbisyo sa PNP sa publiko.
