Nagpadala og 2,000 ka mga tropa sa National Guard sa Los Angeles si US President Donald Trump gahapong adlawa aron matubag ug makontrol ang mga nagprotesta sa Los Angeles.
Gikan pa niadtong adlaw nga Biyernes kay nagtapok na ang mga nagprotesta sa immigration holding center sa Alameda.
Diin ilang giprotesta ang kaylap nga pag-aresto ni Trump sa mga iligal nga imigrante, nga miabot sa 44,000 ka mga tawo ang nadakpan sa federal immigration.
Sa maong pagpadala og mga tropa sa Presidente kay napugos ang mga awtoridad sa paggamit sa tear gas ug flash bangs aron mapahunong ang mga nagprotesta.
Apan, gikondenar kini sa United Latin American Citizens ang paggamit ni Trump sa National Guard tungod kay mosamot pa kini sa sitwasyon.
Kahinumduman nga gipahugtan ni Trump ang pagdakop sa mga illegal migrant, diin pipila na ka libo na ang iyang gipa-deport.
