Nahatagan og bug-at nga pagtagad ni Atty. Arvin Odron, ang Regional Director sa CHR-7 ang kabahin sa init karon nga hisgutanan sa kadagahan nga may kalabot sa Commission on Human Rights Bill.
Sumala ni Atty. Odron, nagpasalamat ang mga opesyales sa Central Office sa mga Congressmen nga nag sponsor nga nag-approve sa CHR charter Bill, diin gisugyot niini nga mas panghingusgan pa ang Commission on Human Rights subay sa mga namatikdan sa niaging administrasyon nga ang CHR gihulagway kini nga usa ka “Toothless Tiger” nga kutob ug magpabilin lamang ang mga aksyon sa rekomendasyon sa nagkalain-lain ahensya sa gobyerno.
Mao kini ang gikabutyag ni Atty. Arvin Odron atol sa na-andang programa sa Bombo Radyo Cebu, kagahapong adlawa, Hunyo 15, 2025, diin iyaha usab nga gikahinomdoman nga sa 1987 Constitution, diin naglangkob kini nga adunay indipendente nga opisina sa gobyerno ang pagahimion nga ilhon nga Commission on Human Rights.
Tataw ni Atty. Odron, kasagaran sa mga provisions sa maong konstitusyon, dili self-executory, diin kinahanglan pa nga adunay balaod para ma-execute. Busa, bisan paman nga adunay mandato nga ang konstitosyon nga tukuron ang Commission on Human Rights, iyahang giklaro nga dili kini automatic, hinungdan nga nag-isyu og executve order no. 163 si Former President Corry Aquino, nga ipa-operasyunal na ang Commission on Human Rights niadtong May 5, 1987, diin mao kini ang original charter sa Commission on Human Rights, nga nag-govern o nag-operate sa Commission on Human Rights.
Busa, aron mas mapabug-atan kini, nisugyot ang mga katawhan sa kongreso nga huyang lamang kini, ug gikinahnglan nga maspakusgan pa ang Commission on Human Rights, ug tagaan og prosecutorial power, authority, nga kung bisan unsa man ang findings, mamahimo na kini nga e-enforce.
Sa pagkakaron, anaa na sa 3rd reading ang Commission on Human Rights Bill nga gipasa ngadto sa kongreso, ug nagpa-abot nalang ang counter part nalang sa senado. Apan, bisan paman, nasagmuyo gihapon si Atty. Odron bisan anaa na sa 3rd reading ang maong biil, kay ang counter part sa senado, anaa pa sa committee level. | via Bombo Irene Ardiente
