Nagpahamtang ang Department of Migrant Workers (DMW) og deployment ban sa mga bag-ong Filipino hire sa Iran ug Jordan.
Nahitabo kini taliwala sa nagpadayon nga tensyon sa Middle East.
Matud ni Migrant Workers Sec. Hans Leo Cacdac ang pagdili sa mga bag-ong Filipino hire sa pag-adto sa nasangpit nga mga nasud samtang ang pagpauli sa mga overseas Filipino worker gitugotan apan dili pa makabiyahe tungod kay sirado pa ang airspace.
Ingon man nga nag-isyu usab ang DMW og Advisory No. 19 series of 2025 alang sa mga restriksyon sa deployment sa mga OFWs sa Israel, Iran, Jordan ug Lebanon.
Gitambagan sa kalihim ang mga OFW nga moadto sa Jordan nga i-postpone ang ilang mga pagbiyahe sa nasud tungod kay parehas kini nga utlanan sa Israel.
Gihimangnoan usab ang mga ahensya sa recruitment nga dili magpadala og mga bag-ong empleyado sa Jordan.
Samtang sa Israel, adunay mga pagdili sa pagpadala sa lugar sukad niadtong Oktubre 7 nga pag-atake sa Hamas sa Israel kaniadtong 2023.
Hinungdan nga nipasidaan ang kalihim nga manubag ang mga recruitment agencies nga dili motuman sa deployment ban.
