Mitapos na sa ilang pinakaulahing regular session ang 16th Cebu Provincial Board niadtong Lunes sa hapon, Hunyo 23, 2025.
Gipahigayon kini nga sesyon sa Cebu Capitol Social Hall nga nagmarka sa pagtapos sa 16th Sangguniang Panlalawigan pinaagi sa formal nga seremonyas nga nag-ila sa mga outgoing officials ug sa hingpit nga pag-welcome sa umaabot miyembro sa 17th Provincial Board.
Gipangulohan ang maong sesyon ni Outgoing Vice Governor Hilario “Junjun” Davide III diin namulong kini sa iyang mensahe sa lawm nga pagpasalamat sa mga nakauban sa pagserbisyo sa Kapitolyo ug sa mga Sugbuano nga misuporta kaniya sa iyang pipila ka tuig sa katungdanan.
Gipasiugdahan niini ang kamahinungdanon sa lideratong adunay prinsipyo, panaghiusa, transparency, ug accountability isip mga sumbanan sa pagserbisyo sa Sanggunian.
Giawhag ni Davide ang umaabot nga bag-ong opisyales sa Sangguniang Panlalawigan nga ipadayon ang momentum sa maayong kalambuan pinaagi sa pagpasar og undanong balaodnog sa probinsya sa Sugbo.
Sa susamang sesyon, gipasidunggan ang mga outgoing Provincia Board Members nga sila;
Hon. Raul Bacaltos;
Hon. Kathleen Daan;
Hon. John Ismael Borgonia;
Hon. Victoria Corominas-Toribio;
Hon. Carmela Franco;
Hon. Thadeo Jovito Ouano;
Hon. Jerome Librando;
Hon. Caroline Bacaltos;
Hon. Jerico Rubio
Pormal nang magsugod sa katungdanan ang bag-ong 17th Provincial Board inig Hunyo 30, 2025.
