DANAO CITY,CEBU- Nailhan na ang suspek sa pagpamusil-patay sa patrolman nga si Mark Gomer Ornopia, gahapong adlawa, Hunyo 27, 2025, sa dalan P. Del Pilar sa Barangay Poblacion sa siyudad sa Danao.
Ang maong patay usab nga suspetsado mao si Arjie Agravante Catipay, 24-anyos, ug residente sa Brgy. Salamanca Tuboso Nego0rors Occidental, diin na ilhan kini sa mga sakop sa kapulisan pamaagi sa nakita nga PhilHealth ID sa maong suspek.
Mao kini ang gikabutyag ni PCapt. Dun Blane Tabares, ang tigpamaba sa CPPO, atol sa pagkab-ot sa Bombo Radyo Cebu Newsteam sa iyahang linya diin naasoy niini nga aduna nay gi-contact ang mga sakop sa kapulisan sa Danao Police Station nga posibleng miyembro sa pamilya ni Catipay, apan, wala pa kini imporasyon nga nakapalagan.
Kahinomdoman nga nagsugod ang maong insidente sa pagpamusil gahapong adlawa, diin, ang maong suspek nangilog sa pusil sa usa ka security guard nga si Alberto Lacio nga nagpalit ra unta og softdrinks, hinungdan nga nidagan kini ug dali nga girespodehan ni Ornopia ug sa kauban niini nga BJMP personnel nga mao usab ang tinubdan sa pagpamusil ni Catipay ngadto kang Ornopia sa dihang dakpon na unta kini.
