Wala mipatim-aw ang kapin sa napulo ka mga personahe sa Senado nga gipatawag kalabot sa pagpamusil nga nahitabo sulod sa Senado niadtong gabii sa Mayo 13 alang sa imbestigasyon.
Gikataho nga nag-isyu ang mga personahe sa Philippine National Police – Criminal Investigation and Detection Group (PNP-CIDG) og mga subpoena sa maong mga kawani niadtong Martes sa hapon.
Gikumpirmar usab ni CIDG Director Major General Robert Alexander Morico II nga kapin sa 10 ka mga empleyado ang nasakup sa mando.
Bisan wala sila hinganli, si Morico miingon nga ang mga personahe nagpadala og opisyal nga sulat aron ipasabot ang ilang wala pagtambong..
Samtang, daghang mga personahe gikan sa Senate Office of the Sergeant-at-Arms (OSAA) ang giingon sa PNP nga mitambong sa CIDG niadtong Martes, apan giklaro ni Morico nga ang suspended acting Sergeant-at-Arms nga si Mao Aplasca o bisan kinsang opisyal sa OSAA wala motambong.
Sa dihang gipangutana kung ang mga wala motambong mag-atubang ba og angay nga mga kaso, gikanayon ni Morico nga ang CIDG magtuon sa ilang sunod nga mga lakang bahin niini.
