Gihatagan og katin-awan ni Ernest John “EJ” Obiena nga dili retirement inay countdown lang ang gihimo niini alang sa dakong kompetisyon nga iyang gipangandaman.
Diin mao kini ang world-class pole vault tournament nga ipahigayon karong Setyembre 20 hangtod 21, 2025 sa Ayala Triangle, Makati City.
Ang bituon nga atleta sa nasod nga si Obiena maoy usa sa mga partisipante, uban ang pipila sa labing maayong pole valters gikan sa tibuok kalibotan.
Emosyonal nga gipahibalo ni Obiena ang katumanan sa iyang damgo nga madala ang prestihiyosong kompetisyon sa kinapusoran sa siyudad.
Kini usa ka opisyal nga kompetisyon, nga giila sa World Athletics, Asian Athletics, ug PATAFA.
Ingon man nga gilauman ang posibilidad sa usa ka bag-ong world ug national record.
Bisan og wala pa mabutyag ang listahan sa mga partisipante, gipasalig ni Obiena nga ang mga top-ranked international athletes imbitado sa maong kalihukan, human sa World Championships.
Gipaambit usab sa atleta nga ang tumong sa iyang pagpresentar a Pilipinas kay ma-inspirar ang mga batan-ong atleta nga Pinoy nga mopalapad pa sa interes sa pole vaulting sa nasud.
