Girekomendar sa Kalihim sa Department of Economy, Planning, and Development (DEPDev), nga si kanhi National Economic and Development Authority (NEDA), Sec. Arsenio Balisacan, nga panahon na nga buhisan ang online gambling, nga matod niya usa ka sosyal nga isyu.
Iyang gisusama ang online gambling sa sigarilyo ug alkohol nga kinahanglang i-regulate sa gobyerno.
Bisan tuod giangkon ni Sec. Balisacan nga adunay mga hagit ang pagpatuman sa buhis sa online nga sugal.
Matod sa Kalihim, kinahanglan una nga adunay mga imprastraktura nga magbuhis sa online nga sugal ug gikinahanglan ang usa ka balaod aron mahimo kini.
Sa pagkakaron, usa lang ka balaod alang sa buhis sa online gaming ang gipatuman.
Nakita sa Kalihim nga ang pag-link sa mga e-wallet makatabang sa gobyerno sa pagpatuman sa mga polisiya sa buhis.
Apan ang opisyal mipahilayo sa isyu sa total ban o hingpit nga pagdili sa online nga sugal sa nasod bisan og giisip niya kini nga makapabalaka.
Gihimo sa opisyal ang pamahayag taliwa sa pagkaylap sa online nga sugal sa nasud nga gi-endorso gihapon pinaagi sa dagkong mga billboard ug sa kaylap nga paggamit sa e-wallet nga nalambigit sa online gambling platforms.
