Gikatakdang magsugod ang konstruksyon sa Mandaue City Sports track oval sa ikatulong bahin sa tuig 2026 nga nahimutang sa Barangay Paknaan sa dakbayan.
Kini ang gisaysay ni Mandaue City Mayor Thadeo Jovito “Jonkie” Ouano atol sa pagbisita niini sa 3.6-ektaryang luna sa proposed sports facility niadtong Huwebes, Hulyo 10, 2025.
Gani gatuo ang Mayor nga ready for construction na ang maong dapit apan nanginahanglan pa diay kini og dugang land preparation usa magsugod sa pundasyon sa pasilidad.
Ingon man nga bana-bana niini nga 90% sa embankment work kay natapos na ug ang critical groundworks na lang ang tapusunon sama sa dewatering ug installation sa sheet piles.
Ang maong sugyot nga proyektong imprastruktura kay nabahin sa pipila ka bahin (phases) gikan pa sa pagpatuman sa nakalabayng administrasyon nga gibudgettan sa P300-milyones.
Apan ang Kagamhanang Dakbayan kay kinahanglan pang i-secure ang pagpundo sa maong galastuhanan pero pasalig niini nga magsugod ang konstruksyon sa ikatulong bahin sa pakli sa mga buwan sa sunod tuig.
Gani sa pikas bahin, ang buhatan ni Mandaue City Lone District Rep. Emmarie “Lolypop” Ouano-Dizon kay miamot sa pagpundo sa maong proyekto sa balor nga P150-milyones aron sa hingpit nga pagpatuman ug pagtapos niini.
