Nagpadayun sa pagkaylap angnatalalng kaso sa monkeypox virus (MPOX) sa ubang mga nasud, nga nagpameligro sa nagpadayon nga transmission sa komunidad.
Samtang, adunay 19 usab gikan sa Africa nga adunay aktibong mpox transmission, ug naay lain-laing mga clades nga natala sa West, Central, ug East Africa.
Ang gidaghanon sa mga nakumpirma nga mga kaso nikunhod sa tibuok nga kontinente, labi na sa Sierra Leone ug ang Demokratikong Republika sa Congo, apan ang pag-access sa pagsulay o testing nagpabilin nga usa ka hagit sa nahisgutang dapit.
Dugang niini, nidaghan usab ang mga kaso sa West Africa, partikular sa Guinea, Liberia, ug Togo, tungod sa pagkaylap sa clade IIb monkeypox virus.
Samtang sa China, adunay siyam ka bag-ong kaso sa clade Ib MPXV, apan ang kahimtang sa transmission dili pa sigurado.
Gi-report usab sa Turkey ang usa ka kaso sa clade Ia monkeypox virus gikan sa usa ka biyahero kaniadtong Oktubre 2024, apan wala’y natala nga secondary cases.|Bombo Irene Ardiente
