Nagpabilin ang Filipino ring icon nga si Manny Pacquiao isip underdog sa mga bettors, batok kang Mario Barrios.
Gipaabot ang duha nga magsangka karong Sabado sa MGM Grand sa Las Vegas, Nevada.
Sa BetMGM, si Pacman nalista sa +270, samtang ang Barrios kay -380 nga paborito.
Buot ipasabot nga kon mopusta ka og P1,000 kang Pacquiao ug modaog siya, halos P2,700 ang kita sa bettor.
Apan maka-iikag usab nga adunay mga hait nga pusta o mga eksperto sa pagpusta nga nagbutang og kuwarta sa eight division world champion sa dihang mas taas ang iyang posibilidad (4-1), mao nga mius-os ang presyo sa 2-1 sa pipila ka sportsbook.
Buot ipasabot nga aduna pay pagsalig sa abilidad ni Pacman bisan og 46 anyos na kini ug dugay na nga wala makatungtong sa boxing ring.
