Giklaro ni Shalaine Marie S. Lucero, ang Regional Director sa Department of Social Welfare and Development-7 nga ang labing naghigus lamang kun Indigent Senior Citizens ra ang makadawat sa social pension matag buwan.
Gipasabut usab niini nga ang masulod sa Indigent Senior Citizens, mao ang katung walay kita; walay suporta gikan sa pamilya; walay pension nga nadawat sa bisan unsang pension providers; himatyon ug ang mga poorest of the poor.
Dugang pa niini nga bisan ug aduna nay balaudnon nga giduso alang sa Universal Pension for Senior Citizens, wala pay nadawat nga implementasyon ug regulasyon ang buhatan ug kinahanglanun pa kining tukion.
Sigon ni Lucero nga limitado ra usab ang slots alang sa mga Senior Citizens nga makadawat sa maong social pension hinungdan nga nanghinaot kini sa sunod tuig nga mahatagan na ug budget ang kinatibuk-ang Senior Citizens.
Gihimug-atan usab niini nga ang tagsa ka-libo nga madawat sa mga Senior Citizens matag buwan, mao na kini ang ang madawat usab sa matag quarter o matag tulo ka buwan nga mao ang tag P3,000.
Gibutyag usab niini nga dili pasabut nga kung anaa kay ID ug booklet sa Senior Citizen, kwalipikado na sa social pension, Inay katu rang nasulod sa mga Indigent Senior Citizens ang makadawat.
Apan magdepende kini sa mga Local Government Units kung aduna ba silay inisyatiba nga malakip ang kinatibuk-ang miyembro sa Senior Citizens.
