Nipasidaan si Presidente Ferdinand R. Marcos Jr. sa nagkadako nga social toll sa online gambling ug gipasiugda nga ang mga digital tools kay kinahanglan nga gamiton sa pagbayaw alang sa kaayuhan ug dili paguba sa mga pamilyang Pilipino.
Sa iyang pinakabag-o nga video blog, giila sa Presidente ang mga benepisyo sa digitalization sa pagpalambo sa serbisyo publiko apan nasubo nga ang teknolohiya gipahimuslan usab alang sa mga scam, sayop nga impormasyon, ug sayon nga pag-access sa sugal.
Kini ng pahayag ni Marcos nunot sa nagkataas nga panawagan gikan sa mga magbabalaod ug civil society groups alang sa total ban sa mga operasyon sa online gambling operations.
Samtang gipasiugda sa Presidente ang kabililhon sa mga emerging technologies sama sa artificial intelligence (AI) ug digital platforms aron mapahapsay ang mga serbisyo sa gobyerno, iyang giawhag ang mga Filipino nga magpabiling mabinantayon batok sa digital misuse.
Ingon man nga gipaspasan sa administrasyon ang paglusad sa publikong Wi-Fi, imprastraktura sa fiber internet, ug mga digital education platform. Apan gihimug-atan ni Marcos nga ang pag-uswag kinahanglang mag-uban sa regulasyon ug responsableng paggamit.
