Gikatakdang ipagawas ang 3 ka oras nga closed-door hearing alang kang Israeli Prime Minister Benjamin Netanyahu kalabot sa iyang criminal cases sugod alas 2 sa hapon karong adlawa.
Diin ang naasoy nga pagdungog kay kabahin sa cross-examination phase, diin si Netanyahu moatubang sa korte kaduha sa usa ka semana.
Nasayran nga ipahigayon ang closed-door hearing aron maprotektahan ang seguridad sa nasud tungod kay giingong nalambigit si Milchan sa pipila ka mga sensitibong operasyon sa Israel.
Mahinumduman nga daghang mga pagdungog ang nakanselar sa miaging mga semana tungod sa tensiyon sa Iran ug sa diplomatikong pagbiyahe sa Prime Minister sa Estados Unidos.
Ingon man nga mikabat sa 1,000 ka kaso ang kasamtangang gitutukan sa prosekusyon, sugod sa mga pangalan nila ni Netanyahu ug Hollywood billionaire Arnon Milchan.
Kahinumdoman usab nga si Netanyahu giakusahan nga ‘favoritism’ pinaagi sa pagpasiugda sa balaod nga nakabenepisyo kang Milchan samtang daw nidawat og mga mahalon nga regalo sama sa tabako ug champagne gikan kaniya.
