Nisaba nasab ang pangalan ni Janella Salvador sa social media nga giingong “third party” sa panagbuwag nila ni Klea Pineda ug Katrice Kierulf, human gi-like ni Kierulf ang daghang komento sa TikTok nga nagtumbok sa aktres nga rason sa panagbuwag.
Bisan og giangkon ni Pineda nga nahuman na ang tulo ka tuig nilang relasyon, giklaro niya nga walay third party nga nalambigit./
Apan, ang mga netizen wala makapugong sa pag-imbestigar ug nakit-an nga si Kierulf ganahan sa mga komentaryo nga nag-ingon nga si Salvador ang “other party.”
Usa sa mga komento nga nagustohan ni Kierulf mao ang: “Once you like this Katkat, then it’s confirmed that JS is the other party.” Nakagusto sab siya sa ubang komento nga direktang naghisgot sa tibuok pangalan ni Salvador.
Si Pineda ug Salvador bag-o lang nag-uban sa salidang Open Endings, usa ka LGBTQ+ themed film nga gibidahan usab nila ni Jasmine Curtis-Smith ug Leanne Mamonong.
Sa pagkakaron, wala pay opisyal nga pamahayag gikan nila Kierulf, Pineda, o Salvador kalabot sa maong isyu.
