Gipirmahan na sa Games and Amusements Board (GAB) ang Resolution No. 2025-08 aron masiguro ang kaluwasan ug kaligdong kung gani mahinayon ang giplanohan nga boxing match nilang PNP Chief Nicolas Torre III ug Acting Davao City Mayor Sebastian ‘Baste’ Duterte.
Gipirmahan ni Atty. Francisco Rivera, isip chairman ug mga miyembro sa board.
Girekomendar sa GAB ang pagtudlo sa usa ka kwalipikado ug accredited professional referee nga modumala sa giingon nga duwa.
Gimandoan usab sa GAB ang ilang medical team sa pagmonitor sa duwa aron mahatagan dayon og tabang medikal kung gikinahanglan.
Ang resolusyon nagtumong sa pagsiguro sa hapsay ug luwas nga pagpahigayon sa duwa subay sa propesyonal nga mga sumbanan sa sports.
Gipasiugda sa GAB ang kamahinungdanon sa regulasyon sa mga kalihokan nga may kalabotan sa publiko nga sports.
Wala pa mohatag og petsa ang GAB alang sa nahisgutang duwa, apan nagpadayon na ang pagpangandam aron kini luwas ug patas alang sa tanang partisipante.
