CENTRAL VISAYAS- Gisugdan na sa Commission on Elections-Central Visayas ang pagpahigayun sa 10-ka adlaw nga Comelec registrations alang sa mga wala pa nakaparehistro alang a umaabot nga Barangay and Sanguniang Kabatan Elections nga ipahigayun karong tuiga.
Gibutyag ni Atty. Francisco Pobe, ang Regional Director sa Comelec-7 nga kung aduna may mga kausaban nga mahitabo maylabut sa election, ila ra usab kining tumanon, apan sa pagka karon padayun silang nangandam alang niini.
Gibana-bana nga 5,500 ka mga indibidwal ang nagparehistro sa probinsya sa Sugbo sa unang adlaw niini samtang 205 usab ang nagparehistro sa Probinsya sa Bohol, apan gipaabot nga mas mo dagsa pa ang mga tawo sa umaabot nga mga adlaw
Dugang usab niini, nga mamahimo nang maka parehistro sa mga adlaw nga Sabado ug Dominggom kini alang sa mga dili maka-ako ug parehistro sa mga regular nga adlaw gumikan sa ka-busy.
Gibana-bana nga mo abut sa 30% ka mga kabatan-unan ang gipaabot pa nga magparehistro sulod sa 10-ka adlaw nga Comelec registration, dugang usab niini mihangyo usab si Pobe nga dad-on ang mga kinahanglang papeles sama sa; IDs, Birth Certificate ug laing pang rekisetos alang sa pagrehistro.
Gipahibalo usab sa Regional Director nga sa Oktobre 01, ipahigayun na usab ang filing of Certificate of Candidacy. | Via Bombo Nathaniel Sandoval
