-- ADVERTISEMENT --
Giklaro sa Korte Suprema nga wala pa mahuman ang opisyal nga listahan sa mga aplikante sa posisyon sa Ombudsman.
Nipagawas ang Korte Suprema og katin-awan kalabot sa giingong ‘disqualification’ ni Secretary Jesus Crispin Remulla sa iyang aplikasyon sa posisyon sa Ombudsman.
Sa mensahe nga gipaambit ni Atty. Camille Sue Mae Ting, ang tigpamaba sa Korte Suprema, nga wala pa magsugod ang ‘vetting process’ sa Judicial and Bar Council.
Apan, nikuyanap na sa internet ang impormasyon o isyu diin giingong na-disqualify ang kasamtangang secretary sa Department of Justice.
Ingon man nga gikanayon ni Justice Secretary Remulla, wala siya mosumiter sa iyang aplikasyon ngadto sa Judicial and Bar Council aron makalingkod isip Ombudsman.
-- ADVERTISEMENT --
