Giangkon sa beteranong aktres nga si Gina Alajar nga niagi siya og yugto sa iyang kinabuhi diin nigamit siya og ilegal nga drugas sulod sa duha ngadto sa tulo ka tuig.
Sa interview kang Luchi Cruz-Valdes, gipaambit ni Gina nga nagsugod siya sa paggamit og marijuana, ug sa ulahi, nigamit usab og shabu (methamphetamine) aron magpabiling gamata sa trabaho.
Ingon pa niini nga nahimong bahin kini sa iyang kalibutan isip kanhi child star.
Tungod sa taas nga oras ug grabeng panginahanglan sa iyang trabaho sa showbiz, daw nisangpot kini sa iyang pagka-adik.
Gipaambit usab niya nga nakasinati siya og hallucinations human sa 72 ka oras nga walay tulog. Dinhi siya nakaamgo ug nakahukom nga hunongon ang tanan.
Karon, hingpit na nga niundang si Gina sa paggamit sa ilegal nga drugas ug nagpadayon sa hapsay ug malinawon nga kinabuhi.
Gawas nga artista ug direktor, live seller usab siya sa social media nga gikalingawan sa iyang mga fans.
