Sublian na ang imbestigasyon sa Senado sa naghitak nga online gambling sa nasud.
Mangulo sa pagsumitir sa mga balaodnon batok sa online gambling si Senador Erwin Tulfo, ang chairman sa Senate Committee on Games and Amusement, karong Agosto 14.
Matod sa senador, nisaad siya nga unahon ang paghisgot sa maong mga balaudnon tungod kay makonsiderar nga krisis ang sitwasyon.
Miinsistir usab kini nga gikinahanglan ang dinaliang aksyon aron masulbad ang mga problema nga lambigit niini.
Bisan og gusto sa Senador ang total ban, matod niya maminaw gihapon siya sa baruganan sa gobyerno sama sa Philippine Amusement Gaming Corporation (PAGCOR) ug Department of Finance.
Dugang usab niini ang mga bentaha ug disbentaha sa hingpit nga pagdili sa online nga sugal.
Gitataw sa senador nga wala’y regulasyon, mao nga wala’y hunong ang pagsugal sa mga tawo — ingon usab niya nga wala siyay kontrol kung pila ang pusta sa ingon nga sugal.
Gihatagan pa niini og gibug-aton nga kinahanglan nga timbangtimbangon kung unsa ang mas hinungdanon-ang ganansya gikan sa sugal o ang negatibo nga epekto niini sa katilingban.
Ang Senate Games and Amusement Panel maghisgot sa upat ka mga balaod, tulo ka mga resolusyon, ug usa ka privilege speech mahitungod sa online nga sugal. |Bombo Nathaniel Sandoval
