Nahuman na ang kampanya sa Gilas Pilipinas sa FIBA Asia Cup 2025 human gipildi sila sa Australia, sa iskor nga 84-60.
Sa first quarter pa lang, ang Boomers midominar sa duwa 29-12 sa duwa nga gipahigayon sa King Abdullah Sports City sa Jeddah, Saudi Arabia.
Nadepensahan sab si world number 7 Justin Brownlee hinungdan nga naglisod siya sa pag-iskor.
Gisuwayan pag-apas sa Gilas ang mga puntos apan naglisod sila ug wala makatupong sa wala pay pilde nga Boomers.
Kini ang ikatulong higayon nga napakyas ang Gilas Pilipinas nga makaabot sa semifinals sa FIBA Asia Cup human sa ilang back-to-back runner-up nga mga puwesto niadtong 2013 sa Manila ug 2015 nga gipahigayon sa Changsha, China.
Ang pagkawala nila ni Calvin Oftana ug Cjay Perez tungod sa ankle injuries nga ilang naangkon sa nangaging mga duwa naghatag sab og dakong hagit sa Gilas.
Nausik ang 17 puntos ni Kevin Quiambao, 15 puntos si Dwight Ramos ug 10 puntos si Brownlee.
