Personal nga giawhag ni Mandaue City Mayor Thadeo Jovito “Jonkie” Ouano ang mga light vehicle drivers nga musunod sa mga alternatibong routa nga gimando sa gimando sa Traffic Enforcement Agency of Mandaue (TEAM) aron paglikay sa ongoing rehabilitation sa Cambogaong Bridge sa Barangay Paknaan sa maong syudad.
Sumala pa ni Hyll Retuya, ang pangu sa TEAM nga mas nidoble ang lakat sa trapiko gikan sa pagsugod sa maong konstruksyon didto sa DM Cortes St. nga mugikan sa Cansaga Bridge ilabi na sa morning rush hour.
Gani sa iyang bahin sab, si City Administrator Atty. Sally Malig-on Jr. miingon nga human sa pagsuroy ug pagmonitor sa mga alternatibong dalan kay nakita nila nga ang mga motorista kay wala magsubay sa mga diversion roads nga gipatuman.
Gidasig niini ang TEAM nga buhaton ang angayng buhaton aron magsubay kini sa mga diversion roads ang mga light vehicle drivers.
Gisugyot usab ni Mayor Ouano nga suwayan ang higayong mga 6-wheeler vehicles usa makaagi sa maong dalan kada buntag og ibalik ang general public use inig malibkas na ang rush hour.
