Gipaambit ni Senador Ping Lacson nga andam silang hinganlan ang mga kurakot nga opisyal sa gobiyerno luyo sa mga flood control projects sa gobyerno.
Hinuon, ang pangutana lang sa mga gustong motingog kon maprotektahan ba ang ilang kaluwasan ug magpadayon ba ang away hangtod sa katapusan o kung init lang ang isyu.
Matud pa sa Senador nga lakip sa andam mosulti mao ang mga District Engineers nga napugos sa pagpatuman sa mga naabandonar nga proyekto sa ilang mga distrito nga wala nila planoha busa wala maapil sa National Expenditure Program (NEP).
Ingon man nga naggikan kini sa mga insertion sa gitawag nga “funders” sa Kongreso; mga contractor nga anaa sa kaw-it tungod sa dunot nga sistema sa mga malungtarong kurakot ug nagtinabangay lang kay nagdepende ang ilang panginabuhian.
Sa laing bahin, gidetalye usab ni Senador Ping ang destinasyon sa pundo alang sa mga flood control projects.
Gawas sa mga ligal nga pagkunhod sa gasto sa proyekto:
5% VAT,
2% withholding tax,
1% sa Bonds and Insurances;
1% materials testing
at allowable contractor’s profit nga 8-10%.
Matod niya adunay uban pang mga deductions gikan sa gasto sa proyekto nga moadto sa mga kurakot nga grupo o indibidwal.
Gidugang usab niini nga 8-10% sa pundo adto sa mga opisyal sa DPWH.
Ang District Engineering Office adunay extra nga 2-3% kung adunay ‘sobra’ sa Kita sa Contractor.
Gitawag ni Senador Ping, nga RESETA tungod kay ang gitakda nga presyo gisulat ug nakahukom na. Kini sama sa usa ka tambal, nga kinahanglan nga matulon sa kontraktor.
