NAGA CITY,CEBU- Nasikop sa Naga Police Station ang mga suspek sa pagpusil-patay sa 51-anyos nga garbage collector ug money lender sa FDR-IRRI Compound, dakbayan sa Naga, habagatang Sugbo, nga nahitabo niadtong Miyerkules, September 03, 2025.
Pinaagi sa hot pursuit operation nga gihimo sa kapulisan, naila ang mga suspek nga sila si;Ronald Larazan, 49 anyos, residente sa Greyrocks, Barangay Pangdan, City of Naga, Cebu, Jumar Abella, 32 anyos, residente sa Huybesan, Brgy. Alpaco, sa dakbayan sa Naga, ug Sherwin Algarme Lascuña, 20 anyos, residente usab sa Brgy. Alpaco, sa Naga City, Cebu.
Hinuon, usa sa giingong suspek sa pagpamusil ang mihimakak usab sa hitabo.
Base sa imbestigasyon, nakuha sa biktima nga si Michael Sarmiento Martus, ang mga alahas ug kwarta nga gibanabanang mobalor og ₱100,000.00.
Matud usab sa mga saksi nga miikyas ang mga suspek sakay sa motorsiklo paingon sa Barangay Lutac.
Sa pagkakaron, anaa na sa kustodiya sa kapolisan sa dakbayan sa Naga ang mga suspek ug gipaabot nga adunay mopasaka og kaso batok sa mga suspetsado.
