Matuohon si Bicol Saro party-list Representative Terry Ridon, co-chair sa House Infrastructure Committee (InfraComm),nga ang House of Representatives ug ang Senado kinahanglang magtinabangay nga modesisyon sa pagbungkag o pagsuspenso sa imbestigasyon sa giingong flood control projects.
Kini taliwa sa plano ni Presidente Ferdinand Marcos Jr. nga maghimo ug independent probe body aron imbestigahan ang mga kontrobersyal nga proyekto.
Gipasabot pa ni Rep. Ridon nga dili mahimo nga mag-withdraw ang Kamara o Senado nga mag-inusara kung dili ang duha ka mga kapulungan magdungan og hukom.
Kahinumdoman nga una nang niingon si Presidente Ferdinand Marcos Jr. nga mopagawas siya og executive order alang sa pagmugna og independent commission nga mahimong mag-require sa forensic investigators, abogado, justices ug prosecutors sa pag-imbestigar sa mga ebidensiya sa giingong anomalous ug ghost flood control projects.
