Gipasiugda ni Presidente Ferdinand R. Marcos Jr. ang padayon nga pagtubo sa relasyon sa pamatigayon tali sa Pilipinas ug Cambodia.
Gipahibalo kini sa Presidente sa mga business leaders atol sa CEO B2B Networking Roundtable nga gipahigayon sa Phnom Penh, isip kabahin sa iyang tulo ka adlaw nga State Visit.
Matod ni Presidente Marcos, ang nagkadako ug lagsik nga pamatigayon tali sa duha ka nasod maoy pamatuod sa mas lig-on nga relasyon sa ekonomiya tali sa Pilipinas ug Cambodia.
Dugang niini nga ang bilateral nga pamatigayon sa 2024 miabot sa USD $105.69 milyon – usa ka tin-aw nga timailhan sa nagkadako nga panginahanglan alang sa mga produkto ug serbisyo ug ang nagkalalom nga pagsalig sa mga negosyante.
Ang maong roundtable business discussion kay gipasiugdahan sa Department of Trade and Industry, Cambodia Chamber of Commerce, ug Philippine Chamber of Commerce, and Business Association sa Cambodia.
